04 Дек Першая ўзнагарода візітнай карткі тэатральнага сезона — «Ідыліі»

3 снежня былі падзведзены вынікі  Рэспубліканскага фестывалю нацыянальнай драматургіі імя В.І.Дуніна-Марцінкевіча. Наш тэатр заваяваў тры  дыпломы. Сёння — пра адзін з іх.

У намінацыі «Лепшая п’еса беларускага аўтара» адзначана  п’еса «Ідылія», спектакль па якой на конкурсе прадставіў наш тэатр. Узнагарода заслужаная і заканамерная: фестываль дзявяты раз прайшоў на радзіме аўтара п’есы, пачынальніка беларускай драматургіі і тэатру Дуніна-Марцінкевіча, чыё імя носіць і тэатр, і фестываль. Узнагарода — доказ  таго, што класіка бессмяротная і актуальная ва ўсе часы.